Мадриднинг “Реал” клуби бош мураббийи Зинедин Зидан Криштиану Роналдунинг кетиши ҳақидаги янгиликларга муносабатини билдирди.

“Безовта бўлаётганим йўқ. Роналдуни ташқаридан истаган киши танқид қилиши мумкин, аслида эса Криштиану фақат “Реал” ҳақида ўйлайди. Шу ўринда мен ҳам фақат футбол ҳақида гапиришни истаган бўлардим. Криш бизга фақат майдонда ёрдам беради.

“Реал”ни Криштианусиз тасаввур қила олмайман. “Реал” Роналдунинг жамоаси ҳисобланади. Клуб, мухлислар – ҳамма уни бирдек яхши кўради. Доим бир сўзни айтаман “Роналдуни Мадриддан бошқа жамоада кўра олмайман”. Криштиану жамоанинг оғир вазиятида шу ерда, ёрдамини аямаяпти.

Унинг шартномаси ҳақида гапиришни истамайман. У – буюк футболчи. Шартнома ҳақида фақат раҳбарият билан музокара олиб бориш керак. Мен фақат унинг майдондаги ҳаракатларига жавоб бераман. Қолгани эса қизиқтирмайди”, – дейди Зидан.