"Манчестер Юнайтед" клуби "Арсенал" ҳужумчиси Алексис Санчесни қўшиб олиш учун жами 180 миллион фунт сарфлайди.
Чили терма жамоаси футболчиси 4,5 йил давомида йилига 14 миллион фунт маош олади, бу солиқдан ташқари. Клубнинг сарфи солиқ билан қўшиб ҳисоблаганда йилига 27 млн фунт бўлади.
Бундан ташқари, футболчи 20 миллион фунт кўтарма пули олади. Унинг агентларини рози қилиш учун 10 миллион фунт берилади.
"Арсенал"га Санчеснинг трансферидан 30 миллион фунт тегади.