“Арсенал” ва “Манчестер Юнайтед” жамоалари Алексис Санчес ва Гейнрих Мхитарян борасида ўзаро музокараларни давом эттиришмоқда.
London Evening Standard нашрининг хабарига кўра, трансфернинг чўзилиб кетиши “Арсенал” “МЮ”дан шунчаки футболчи алмаштириш эмас, Мхитарянга қўшиб яна 10 миллион фунт талаб қилаётгани сабаб бўлмоқда.
Санчеснинг “Арсенал” билан амалдаги шартномаси ёзда тугайди, Мхитарян эса “МЮ”да яна икки йил тўп суриши мумкин. Лекин “Арсенал”дагилар арманистонлик футболчининг ўтказаётган омадсиз мавсуми унинг нархини тушуриб юборганини айтишмоқда.
Эслатиб ўтамиз, аввалроқ Санчес “Юнайтед” билан 4,5 йиллик шартнома имзолаш бўйича келишиб олгани ҳақида хабар бергандик.
