Франциянинг ПСЖ клуби ярим ҳимоячиси Лукас Моура фаолиятини “Тоттенхэм” жамоасида давом эттириши мумкин. Бу ҳақда Англия ОАВлари хабар берди.
Маълум бўлишича “шпорлар” 25 ёшли футболчи билан музокараларни бошлаб юборишган. Лукасни ўзи ҳам ПСЖни тарк этишни бир неча бор таъкидлаган.
Ҳозирча, Моуранинг трансфер нархи 35 миллионга баҳоланмоқда. Лекин “Тоттенхэм” бу миқдорни яна камайтирмоқчи. Чунки, бразилиялик футболчининг амалдаги шартномаси 2019 йилгача мўлжалланган холос.
Маълумот учун, Моура бу мавсум ПСЖ либосида бор ёғи 72 дақиқа ҳаракатланган.
