«Кадис» клубининг ёшлар жамоаси ярим ҳимоячиси Фран Ривера ўз фаолиятини «Реал»да давом эттиради. Бу ҳақда Marca нашри хабар қилмоқда.
Мадридликлар иқтидорли футболчини қўлга киритишда «Барселона» ва «Арсенал» клубларини ортда қолдирганлар.
17 ёшли Ривера билан шунингдек, «Севилья», «Бетис» ва «Малага» жамоалари ҳам қизиқаётган эди. Ривера 2010 йилдан кейин «Кадис» ёшлар жамоасини тарк этган илк футболчига айланади. Саккиз йил олдин жамоани Сусо тарк этган ва «Ливерпуль»га ўтганди.
Ўшанда, «Кадис» Сусонинг трансферидан 60 минг евро ишлаб олганди. Transfermarkt маълумотларига кўра, футболчининг айни дамдаги нархи 25 млн еврога тенг.
