Испания чемпионатининг 20-турида "Барселона" сафарда "Бетис" меҳмони бўлади. Каталонияликлар бош мураббийи бугунги баҳс учун кенгайтирилган рўйхатни эълон қилди.

Узоқ вақт жароҳатини даволаган Самуэл Умтити рўйхатга киритилгани эътиборга молик. Франциялик футболчи декабрь ойида бўлиб ўтган «Сельта»га қарши ўйинда оёғидан жароҳат олганди.

Шунингдек, Эрнесто Вальверде ҳужумчи Жерар Деулофеу ва «Барселона Б» футболчиси Карлеса Аленьяга қайдномага киритди.

Филиппе Коутиньо жамоа билан дастлабки машғулотида иштирок этди. Аммо у ҳали майдонга тушишга тайёр эмас. Усмон Дембеле, Пако Алькасер, Андрес Иньеста ва Хавьер Маскерано жароҳатланганлар сафида қолмоқда.

Рафинья Алькантара кечаги машғулотдан иштирок этмади ва Андалусиядаги ўйинга йўл олмайди.

,Жамоанинг янги ҳимоячиси Йерри Мина 24-рақам остида рўйхатдан ўтказилди, аммо у қайдномага киритилмади. Шунингдек, Денис Суарес ҳам мураббийнинг қарорига кўра бу галги ўйинни ўтказиб юборади.

«Барселона»нинг «Бетис»га қарши ўйин учун кенгайтирилган рўйхати:

Марк-Андре тер Штеген, Нелсон Семеду, Жерар Пике, Иван Ракитич, Серхио Бускетс, Луис Суарес, Лионель Месси, Яспер Силлессен, Паулиньо Безерра, Жерар Деулофеу, Жорди Альба, Люка Динь, Серхи Роберто, Андре Гомеш, Алейш Видаль, Самуэль Умтити, Томас Вермален ва Карлес Аленья.