"Реал" яримҳимоячиси Гарет Бэйл Испания чемпионатининг 20-турида "Депортиво" устидан қозонилган ғалабадан сўнг (7:1) фикрларини билдирди.
"Яна бу савияда ўйнай бошлаганимдан хурсандман ва ривожланишда давом этаман. Мен ўйнашни ва ғалаба қозонишни истайман. Ўзимни яхши ҳис қиляпман, аммо ҳали 100 фоиз тайёрмасман. Қадамма қадам, имконим дараасида кучайиб бораман.
Биз майда қадамлар билан бўлса ҳам қайтамиз. Келгуси ўйинларда ҳам ишлашимиз ва ғалаба қозонишимиз керак. Криштиану билан бирга ўйнашдан ва голлар уришдан бахтиёрман.
Чемпионлик учун имконият? Ҳеч қачон таслим бўлмаганмиз. Қийин бўлишини биламиз. Кейинги ўйинларда ишончга эга бўлишимиз керак", - дейди Бэйл.