ПСЖ клуби бош мураббийи Унаи Эмери “Лион”га қарши учрашув (1:2) даги мағлубият ҳақида фикрларини билдириб ўтди.
“Ҳар икки жамоа ҳам бор кучларини бериб ўйнашди. Рақиб бизга босим уюштиришга ҳаракат қилди, лекин характер кўрсата олдик. Бизда гол уриш учун вазиятлар пайдо бўлганди. Умуман олганда 1:1 ҳисоби бизни қониқтирарди.
Биринчи бўлимни қандай бошлаган бўлсак, иккинчисини ҳам шундай ёмон тугатдик. Дани Алвеснинг четлатилиши ўйин назоратини йўқотишимизга сабаб бўлди. Майдонда яхши ўйнадик, аммо сўнгги дақиқаларда гол ўтказиб юбордик.
“Лион”да кучли футболчилар жамланган ва шунинг учун улар иккинчи голни уришди. Ҳисоб бироз шубҳали, аммо нима ҳам қила оламиз. Ахир бу – футбол”, – деди Эмери.