PSJ klubi bosh murabbiyi Unai Emeri “Lion”ga qarshi uchrashuv (1:2) dagi mag‘lubiyat haqida fikrlarini bildirib o‘tdi.

“Har ikki jamoa ham bor kuchlarini berib o‘ynashdi. Raqib bizga bosim uyushtirishga harakat qildi, lekin xarakter ko‘rsata oldik. Bizda gol urish uchun vaziyatlar paydo bo‘lgandi. Umuman olganda 1:1 hisobi bizni qoniqtirardi.

Birinchi bo‘limni qanday boshlagan bo‘lsak, ikkinchisini ham shunday yomon tugatdik. Dani Alvesning chetlatilishi o‘yin nazoratini yo‘qotishimizga sabab bo‘ldi. Maydonda yaxshi o‘ynadik, ammo so‘nggi daqiqalarda gol o‘tkazib yubordik.

“Lion”da kuchli futbolchilar jamlangan va shuning uchun ular ikkinchi golni urishdi. Hisob biroz shubhali, ammo nima ham qila olamiz. Axir bu – futbol”, – dedi Emeri.