Азал-азалдан Муборак замини ўзининг ер ости ва ер усти бойликлари билан биргаликда фидоий, ватанпарвар, мард ва жасур инсонлари билан машҳур бўлган маскандир.
Кеча Муборак туман хокимлиги, Муборак туманининг йирик саноат Нефт ва Газ ҳомий ташкилотлари хамда вилоят марказий банки, муборак туманидаги тадбиркорлар ва кичик ишлаб чиқарувчи корхоналар, шунингдек, барча банклар, Муборак қоракўл наслчилик жамоа ширкат хўжаликлари ташаббуси билан Муборак туманининг ташкил топганлигига 40 йил тўлганлиги муносабати билан Баҳром Вафоев номли марказий ўйингоҳида спортнинг миллий кураш тури бўйича Республика турнири бўлиб ўтди.
Юртимизнинг донғи кетган алп қоматли полвонлари, жаҳон олимпия чемпионлари Ўзбекистон чемпионлари кураш мусобақасида иштирок этишди.Турнирнинг 1-ўрин (биринчи товоқ) учун даъвогар полвонлар Сурхондарё вилоятидан Ўзбекистон чемпиони Сами полвон ва Қашқадарёдан ғузорлик Шерали полвон курашди. Ушбу қарама-қаршиликда ғолиблик ғузорлик Шерали полвонимизга насиб этди ва у бир туя ва 4 000 000 миллион сўм мукофотланди.
