"Атлетико" бош мураббийи Диего Симеоненинг фикрича, жамоа посбони Ян Облак мавсумнинг барча учрашувларида иштирок этиши шарт эмас.
Аргентиналик мутахассис Испания кубоги чорак финали доирасида "Севилья"га қарши биринчи учрашувда (2:1) словениялик дарвозабоннинг иштирок этмаганига изоҳ берди.
"Ҳеч қаерда қайсидир футболчининг маълум ўйин ёки мусобақаларда қатнашиши шарт эканлиги ёзиб қўйилмаган. Футболчиларим бу борада менинг ҳеч ким билан келишиб қўймаганимни яхши биладилар. Мен шунчаки рақобатбардош жамоага эга бўлмоқчиман ва ғалаба қозонмоқчиман. "Севилья"га қарши учрашувда ҳам дарвозамизни Мойя қўриқлайди", - дейди Симеоне.
"Атлетико" ва "Севилья" ўртасида жавоб учрашуви бугун 23 январь куни андалусияликлар майдонида бўлиб ўтади.
