Олимпия терма жамоаси ҳимоячиси Рустам Ашурматов Кореяга қарши ОЧ ярим финал учрашуви олдидан ОАВ вакиллари саволларига жавоб берди ва учрашув терма жамоа учун муҳим аҳамият касб этишини таъкидлади.
“Ушбу учрашувга жуда яхши тайёргарлик кўрдик. Японияга қарши ўйиндаги шижоат ва ўйинни Кореяга қарши учрашувда ҳам кўрсатишга бор кучимиз билан ҳаракат қиламиз. Чорак финалда қандай ўйин намойиш этган бўлсак, бу сафар янада яхшироқ ўйнаймиз.
Япония ҳамда Кореяни солиштирмаган бўлардим. Иккаласи ҳам кучли жамоа, аммо, уларнинг услуби турли хил. Ушбу учрашувга жиддий қараймиз ва барча барчани хурсанд қилишга бор кучимиз билан ҳаракат қиламиз”, - деди Ашурматов.
