Ҳимоячи Хавьер Маскерано “Барселона”на тарк этмоқда. Каталония жамоаси бироз аввал унинг кетишини тасдиқлади. Эртага, чоршанба куни футболчининг хайрлашув маросими бўлиб ўтади.
Хайрлашув маросимида “Барселона” президенти Жозеп Бартомеу ҳам иштирок этиши кўзда тутилган.
Маълумот учун, Маскерано “Барселона”да деярли етти ярим мавсум тўп сурди. У 2010 йилнинг август ойида “Ливерпуль”дан “Барселона”га ўтганди.
Маскерано “Барселона” футболчиси сифатида 18 марта соврин (2 марта ЕЧЛ, 4 марта Испания чемпионлигини ҳам қўшиб ҳисоблаганда) ютган ва 334 марта майдонга тушди.
Эслатиб ўтамиз, аввалроқ Маскерано Хитойнинг “Хэбэй Чайна Форчун” жамоасига ўтиши ҳақида хабар бергандик.
