Шотландия клуби “Мазеруэлл” Алексис Санчеснинг “Манчестер Юнайтед”даги тақдимот маросимига атаб ишланган видеолавҳанинг устидан кулди.
Гап шундаки, чилилик футболчи “Югайтед”га “Арсенал”дан ўтгандан сўнг фортепианода “қизил иблислар”нинг мадҳияси мусиқасини ижро этди.
Шотландияликлар ҳам худди Санчес каби жамоанинг янги футболчиси Пит Хартлини айнан мана шундай услубда таништиришди. Ҳазил тариқасида ишланган видеороликда 29 ёшли футболчи кичик роялда мусиқа чалади ва ролик сўнгида уни синдириб юборади.
Устига-устак видео остига “Манчестер Юнайтед” биз ҳаммасини тўғри бажардикми?”, — дея савол ёзиб қолдиришди “Мазеруэлл” ходимлари.
