Ўзбекистон футбол федерациясининг навбатдан ташқари ҳисобот мажлиси Тошкент вақти билан соат 10.00да бошланиши айтилган эди.

Аммо ЎФФнинг янги раҳбарияти ҳали йиғилишга етиб келмаганлигини учун Конференция бошланмади, ҳамма кутмоқда.

Мажлис бошланиши 1 соатдан кўпроқ вақтга кечикиб турибди. Эслатиб ўтамиз, ушбу ҳисобот мажлисида Умид Аҳмаджонов ўрнига ЎФФга янги президент сайланиши кутиляпти.

Ва ниҳоят, 1,5 соат кечикиш билан Конференция бошланди!

Ўзбек футболининг янги раҳбари овоз бериш йўли билан аниқланади. “Ўзбекистон Темир Йўллари” АЖ раиси, ЎФФ вице-президенти Очилбой Раматов ЎФФ президенти лавозими учун бош номзодлардан бири саналмоқда.

ЎФФ Бош котиби Сардор Раҳматуллаев Конференция иштирокчиларини кун тартиби билан таништирди.

Мана янгилик! Ўзбекистон футбол федерацияси энди Ўзбекистон футбол ассоциацияси дея номланади. ЎФФнинг янги устави ижроқўмда тасдиқланди. У энди аддия вазирлигида тасдиқлаш учун юборилади.

Аҳмаджонов янги иш - Миллий Олимпия қўмитаси раиси лавозимига ўтиши муносабат билан ЎФФ президенти лавозимини топширди.

Конференция делегатлари Ўзбекистон футбол федерацияси ташкилий ҳуқуқий жиҳатдан Ўзбекистон футбол Ассоциациясига ўзгартирилишига бир овоздан розилик билдиришди

Раматов Очилбой Жуманиязович - Ўзбекистон Футбол Ассоциацияси янги Президенти этиб тайинланди.