O‘zbekiston futbol federasiyasining navbatdan tashqari hisobot majlisi Toshkent vaqti bilan soat 10.00da boshlanishi aytilgan edi.
Ammo O‘FFning yangi rahbariyati hali yig‘ilishga yetib kelmaganligini uchun Konferensiya boshlanmadi, hamma kutmoqda.
Majlis boshlanishi 1 soatdan ko‘proq vaqtga kechikib turibdi. Eslatib o‘tamiz, ushbu hisobot majlisida Umid Ahmadjonov o‘rniga O‘FFga yangi prezident saylanishi kutilyapti.
Va nihoyat, 1,5 soat kechikish bilan Konferensiya boshlandi!
O‘zbek futbolining yangi rahbari ovoz berish yo‘li bilan aniqlanadi. “O‘zbekiston Temir Yo‘llari” AJ raisi, O‘FF vise-prezidenti Ochilboy Ramatov O‘FF prezidenti lavozimi uchun bosh nomzodlardan biri sanalmoqda.
O‘FF Bosh kotibi Sardor Rahmatullayev Konferensiya ishtirokchilarini kun tartibi bilan tanishtirdi.
Mana yangilik! O‘zbekiston futbol federasiyasi endi O‘zbekiston futbol assosiasiyasi deya nomlanadi. O‘FFning yangi ustavi ijroqo‘mda tasdiqlandi. U endi addiya vazirligida tasdiqlash uchun yuboriladi.
Ahmadjonov yangi ish - Milliy Olimpiya qo‘mitasi raisi lavozimiga o‘tishi munosabat bilan O‘FF prezidenti lavozimini topshirdi.
Konferensiya delegatlari O‘zbekiston futbol federasiyasi tashkiliy huquqiy jihatdan O‘zbekiston futbol Assosiasiyasiga o‘zgartirilishiga bir ovozdan rozilik bildirishdi
Ramatov Ochilboy Jumaniyazovich - O‘zbekiston Futbol Assosiasiyasi yangi Prezidenti etib tayinlandi.
