Аввал хабар берганимиздек, бугун, 25 январь куни Ўзбекистон футбол федерациясининг навбатдан ташқари ҳисобот сайлов конференциясида янги раҳбар учун сайлов бўлиб ўтди.
Унда бир қатор масалалар, жумладан маъмурий масалалар, ЎФФ низомига ўзгартириш киритиш, ЎФФ президенти ва вице-президентлар ва ижроия кумитасига сайловлар ва бошқалар кўриб чиқилди.
Кун тартибининг илк масаласа ЎФФ номи эндиликда Ўзбекистон футбол ассоциацияси дея номланиши бўлди.
Янги номдаги ташкилотнинг илк президенти сифатида Ўзбекистон Қаҳрамони, Бош вазир биринчи ўринбосари ва Ўзбекистон темир йўллари АЖ бошқарув раиси Очилбой Раматов сайланди.
Умид Аҳмаджонов эса ЎФФ президентлигини топшириб, Миллий олимпия қўмитасида иш бошлади.
