Avval xabar berganimizdek, bugun, 25 yanvar kuni O‘zbekiston futbol federasiyasining navbatdan tashqari hisobot saylov konferensiyasida yangi rahbar uchun saylov bo‘lib o‘tdi.
Unda bir qator masalalar, jumladan ma’muriy masalalar, O‘FF nizomiga o‘zgartirish kiritish, O‘FF prezidenti va vise-prezidentlar va ijroiya kumitasiga saylovlar va boshqalar ko‘rib chiqildi.
Kun tartibining ilk masalasa O‘FF nomi endilikda O‘zbekiston futbol assosiasiyasi deya nomlanishi bo‘ldi.
Yangi nomdagi tashkilotning ilk prezidenti sifatida O‘zbekiston Qahramoni, Bosh vazir birinchi o‘rinbosari va O‘zbekiston temir yo‘llari AJ boshqaruv raisi Ochilboy Ramatov saylandi.
Umid Ahmadjonov esa O‘FF prezidentligini topshirib, Milliy olimpiya qo‘mitasida ish boshladi.
