Аввал хабар қилганимиздек, 30 январ куни “Марказий” стадионда “Насаф” – “Ал Файсалий” учрашуви бўлиб ўтади. Учрашув соат 16:00да бошланади.

Айни кунларда чипталар “Марказий” стадиони қошидаги чиптахоналарда ва “Геолог” стадиони чиптахонасида сотилиши давом этмоқда.

Футбол ишқибозларига шуни эслатиб қўймоқчимизки, чипталар 30 январ куни сотилмайди.

Ўзингизга маълум, 28-30 январ кунлари Қарши шаҳрида бир қанча расмий тадбирлар ўтказилиши режалаштирилган. Бу орқали мухлисларнинг чипта харид қилиши учун, “Марказий” ва “Геолог” стадионларига келиши қийинлашиши мумкин. Шу муносабат билан,  ишқибозларимизга чипталар харид қилишга шошилишларини сўраб қоламиз.

Маълумот учун, чиптахоналар эрталаб соат 8:30дан кеч соат 18:00гача ишламоқда.