Avval xabar qilganimizdek, 30 yanvar kuni “Markaziy” stadionda “Nasaf” – “Al Faysaliy” uchrashuvi bo‘lib o‘tadi. Uchrashuv soat 16:00da boshlanadi.

Ayni kunlarda chiptalar “Markaziy” stadioni qoshidagi chiptaxonalarda va “Geolog” stadioni chiptaxonasida sotilishi davom etmoqda.

Futbol ishqibozlariga shuni eslatib qo‘ymoqchimizki, chiptalar 30 yanvar kuni sotilmaydi.

O‘zingizga ma’lum, 28-30 yanvar kunlari Qarshi shahrida bir qancha rasmiy tadbirlar o‘tkazilishi rejalashtirilgan. Bu orqali muxlislarning chipta xarid qilishi uchun, “Markaziy” va “Geolog” stadionlariga kelishi qiyinlashishi mumkin. Shu munosabat bilan,  ishqibozlarimizga chiptalar xarid qilishga shoshilishlarini so‘rab qolamiz.

Ma’lumot uchun, chiptaxonalar ertalab soat 8:30dan kech soat 18:00gacha ishlamoqda.