"Арсенал" "Боруссия" Д ҳужумчиси Пьер-Эменик Обамеянгнинг трансфери бўйича келишувга жамоа ҳужумчиси Оливье Жируни қўшишдан бош тортди.
Sky Sports хабарига кўра, немис клуби келишувга 31 ёшли французни қўшиш вариантини кўтарди, аммо лондонликлар дарҳол бу таклифни рад қилди.
Аввалроқ, Жиру Обамеянг трансферининг бир қисми сифатида "Боруссия"га ижарага ўтиши мумкинлиги ҳақида хабар қилинган эди.
Жиру ушбу мавсумда "Арсенал"нинг барча мусобақалардаги 24 учрашувида қатнашиб, 7 та гол урган. Унинг шартномаси 2019 йилгача мўлжалланган.