Мавсумга тайёргарликни Тошкентда олиб бораётган “Навбаҳор” 28 январь куни навбатдаги назорат учрашувида Жиззахнинг “Сўғдиёна” клубига қарши ўтказади.

Жиззах клуби ПФЛнинг яқинда чиққан қарорига кўра яна кучлилар сафида иштирок этиш ҳуқуқига эга бўлганди.

Жиззахликларга қарши ўйин ҳам Қибрайдаги ўқув-машғулот базасида бўлиб ўтади. Учрашув соат 13.00да бошланади.

Таркибдаги ўзгаришлар хусусида тўхталадиган бўлсак, 2017 йилги мавсумни “Навбаҳор”да ўтказган футболчи Равшан Хурсановни бошқа жамоа сафига ўтганлигини айтиб ўтиш жоиз.

Хурсанов айни пайтда “Андижон” клуби йиғинида иштирок этмоқда. Футболчининг кейинги фаолиятига омад тилаб қоламиз.

Бунга қадар ўтган мавсумни “Навбаҳор”да ижара асосида ўтказган бир қатор футболчилар ўз жамоалари сафига қайтишганди. Шу билан биргаликда дарвозабон Асилбек Аманов “Бухоро” таркибига ўтиб кетганди.

“Навбаҳор” ФК матбуот хизмати.