Mavsumga tayyorgarlikni Toshkentda olib borayotgan “Navbahor” 28 yanvar kuni navbatdagi nazorat uchrashuvida Jizzaxning “So‘g‘diyona” klubiga qarshi o‘tkazadi.
Jizzax klubi PFLning yaqinda chiqqan qaroriga ko‘ra yana kuchlilar safida ishtirok etish huquqiga ega bo‘lgandi.
Jizzaxliklarga qarshi o‘yin ham Qibraydagi o‘quv-mashg‘ulot bazasida bo‘lib o‘tadi. Uchrashuv soat 13.00da boshlanadi.
Tarkibdagi o‘zgarishlar xususida to‘xtaladigan bo‘lsak, 2017 yilgi mavsumni “Navbahor”da o‘tkazgan futbolchi Ravshan Xursanovni boshqa jamoa safiga o‘tganligini aytib o‘tish joiz.
Xursanov ayni paytda “Andijon” klubi yig‘inida ishtirok etmoqda. Futbolchining keyingi faoliyatiga omad tilab qolamiz.
Bunga qadar o‘tgan mavsumni “Navbahor”da ijara asosida o‘tkazgan bir qator futbolchilar o‘z jamoalari safiga qaytishgandi. Shu bilan birgalikda darvozabon Asilbek Amanov “Buxoro” tarkibiga o‘tib ketgandi.
“Navbahor” FK matbuot xizmati.
