Шу йилнинг 28 август куни “Алянс Арена” стадионида “Бавария”нинг собиқ аъзоси Бастиан Швайнштайгер учун хайрлашув ўйини ташкил этилади. Унда футболчининг собиқ ва ҳозирги клублари — “Бавария” ҳамда “Чикаго Файр” жамоалари майдонга тушишади. Швайнштайгер иккала таймда иккита жамоа шарафини ҳимоя қилади.

“Мен фаолиятимни бошлаган, мени кўплаб мухлислар қўллаб-қувватлаб келган “Алянс Арена”га қайтишни сабрсизлик билан кутяпман”, деди Швайнштайгер бу ҳақда берган интервюсида.

Маълумот учун, Бастиан 13 ёшида “Бавария” академиясига қабул қилинган. У 17 йил давомида немис гранди шарафини ҳимоя қилди ва жами 22 та совринга эга чиқди. 2015 йилда эса “Бавария”ни тарк этган.