“Челси” устози Антонио Конте Англиядаги фаолияти ҳақида фикр билдирди.
“Италия терма жамоасини бошқарганимда дунёнинг энг кучли лигаларидан бири, эҳтимол энг кучли лигасига йўл олишни истагандим ва бунга эришдим.
Мен мураккабликлари бўлмаган оддий ҳаётни хоҳлайман. Бироқ Англияда ишлай бошлаганимда амин бўлдимки, бу ерда мураббий бўлган одамнинг ҳаёти осон кечмас экан. Ҳар бир ўйинда жиддий муаммога душ келасан. Сен Англия кубогида иштирок этасанми ёки АПЛдами фарқи йўқ, вазифанг битта — охиригача курашишга мажбурсан. Аммо нолимайман, бу ерда барча қулайликлар бор, шогирдларим билан ишлаётганимдан мамнунман”, деди Конте.
