“Насаф” – “Ал-Файсалий” учрашувидан сўнг ўтказилган матбуот анжуманининг навбатдаги қисмида “Насаф” устози Рўзиқул Саъдуллаевич иштирок этди.

Рўзиқул Бердиев: - Аввалом бор, барча футбол ишқибозларини бугунги ғалаба билан табриклайман. Футбол байрами юртимизда давом этмоқда. Бевосита ўйинга тўхталадиган бўлсам, рақибимиз жуда жиддий эди. Биз уларни яхшилаб ўрганган эдик. Бугун қайсидир маънода омад ҳам биз томонда бўлди. Рақибимизни ўрганиш жараёнида стандарт вазиятлардан кўпроқ гол ўтказиб юборишига амин бўлдик. Бугунги ўйиндан олдин, ўйинчиларимизга шуни ҳам эътиборга олишларини айтгандик. Натижада дастлаб киритган иккита голимиз ҳам шундай вазиятларда киритилди. Бу голлар ўйин тақдирини ҳал қилди”, - деди Бердиев.