Хабарингиз бор, айни кунларда жамоамиз Тошкентда ўқув-йиғин машғулотларини давом эттирмоқда. “Сўғдиёна” бугун навбатдаги назорат ўйинида майдонга тушди ва “Бухоро” жамоасига 1:0 ҳисобида енгилди.
Ўйиннинг биринчи бўлими анча шиддатли ва тенгкурашлар остида ўтди. Сўнгги дақиқаларда “Бухоро” футболчилари Иззат Ғаниевга қўполлик ишлатди ва ҳакам томонидан огоҳлантириш олди. Биринчи бўлимда ҳисоб очилмади.
Иккинчи бўлимда ўйин яна шиддатли тарзда ва ҳар икки жамоада ҳам голли вазиятлар юзага келди. 54-дақиқада рақиб жамоаси таркибида майдонга тушган Баҳриддин Ваҳобов Дилшод Ҳамроев қўриқлаётган дарвозани ишғол қилишга муваффақ бўлди. Мураббий Александр Мочинов бугунги ўйинда кўрикдаги икки легионер футболчиларни синовдан ўтказди. Улар ўйиннинг сўнгги 10 дақиқасида майдонга туширилди. Шуни ҳам айтиб ўтиш жоиз, “Бухоро” таркибиди Сардор Сулаймонов жамоамиз дарвозасига иккинчи тўп киритганди, лекин ҳакам бу вазиятда оффсайд ҳолати борлигини қайд этиб, голни инобатга олмади ва шу тариқа “Сўғдиёна” янги мавсум олдидан ўтказган 3-назорат ўйинида “Бухоро”га кичик ҳисобда имкониятни бой берди.
Назорат ўйини.
“Бухоро” – “Сўғдиёна” 1:0
Гол: Бахриддин Ваҳобов 54
“Сўғдиёна”: Ширинбой Абдуллаев, Нодир Йўлдошев, Сардор Қулматов, Шоҳруҳ Холматов, Дилмурод Каримов, Азамат Исроилов, Сардор Эминов, Мансур Саидов, Аркадий Галперен, Иззат Ғаниев, Шерзод Ҳакимов.
“Суғдиёна” иккинчи бўлимда қўйидаги таркибда майдонга тушди: Дилшод Ҳамроев, Элёр Орифов, Шерзод Жалилов, Умид Қодиров, Иззатилла Абдуллаев, Сардор Азимов, Дилмурод Каримов, Шоҳрух Ҳолматов, Иззат Ғаниев, Сардор Қулматов.
“Бухоро”: Акмал Турсунбоев, Санъат Шихов, Артём Филипосян, Шавкат Муллажонов, Сергей Русецкий, Роббим Хасанов, Саламат Қутибоев, Шавкат Саломов, Акобир Тўраев, Шаҳбоз Эркинов, Эргаш Исмоилов.
Захира: Асилбек Амонов, Шоҳжахон Насимов, Бобир Амонов, Тохир Шамситдинов, Хуршид Олимов, Бахриддин Ваҳобов, Сардор Сулаймонов, Раҳматулло Бердимуродов.
"Сўғдиёна" матбуот хизмати
