Xabaringiz bor, ayni kunlarda jamoamiz Toshkentda o‘quv-yig‘in mashg‘ulotlarini davom ettirmoqda. “So‘g‘diyona” bugun navbatdagi nazorat o‘yinida maydonga tushdi va “Buxoro” jamoasiga 1:0 hisobida yengildi.
O‘yinning birinchi bo‘limi ancha shiddatli va tengkurashlar ostida o‘tdi. So‘nggi daqiqalarda “Buxoro” futbolchilari Izzat G‘aniyevga qo‘pollik ishlatdi va hakam tomonidan ogohlantirish oldi. Birinchi bo‘limda hisob ochilmadi.
Ikkinchi bo‘limda o‘yin yana shiddatli tarzda va har ikki jamoada ham golli vaziyatlar yuzaga keldi. 54-daqiqada raqib jamoasi tarkibida maydonga tushgan Bahriddin Vahobov Dilshod Hamroyev qo‘riqlayotgan darvozani ishg‘ol qilishga muvaffaq bo‘ldi. Murabbiy Aleksandr Mochinov bugungi o‘yinda ko‘rikdagi ikki legioner futbolchilarni sinovdan o‘tkazdi. Ular o‘yinning so‘nggi 10 daqiqasida maydonga tushirildi. Shuni ham aytib o‘tish joiz, “Buxoro” tarkibidi Sardor Sulaymonov jamoamiz darvozasiga ikkinchi to‘p kiritgandi, lekin hakam bu vaziyatda offsayd holati borligini qayd etib, golni inobatga olmadi va shu tariqa “So‘g‘diyona” yangi mavsum oldidan o‘tkazgan 3-nazorat o‘yinida “Buxoro”ga kichik hisobda imkoniyatni boy berdi.
Nazorat o‘yini.
“Buxoro” – “So‘g‘diyona” 1:0
Gol: Baxriddin Vahobov 54
“So‘g‘diyona”: Shirinboy Abdullayev, Nodir Yo‘ldoshev, Sardor Qulmatov, Shohruh Xolmatov, Dilmurod Karimov, Azamat Isroilov, Sardor Eminov, Mansur Saidov, Arkadiy Galperen, Izzat G‘aniyev, Sherzod Hakimov.
“Sug‘diyona” ikkinchi bo‘limda qo‘yidagi tarkibda maydonga tushdi: Dilshod Hamroyev, Elyor Orifov, Sherzod Jalilov, Umid Qodirov, Izzatilla Abdullayev, Sardor Azimov, Dilmurod Karimov, Shohrux Holmatov, Izzat G‘aniyev, Sardor Qulmatov.
“Buxoro”: Akmal Tursunboyev, San’at Shixov, Artyom Filiposyan, Shavkat Mullajonov, Sergey Ruseskiy, Robbim Xasanov, Salamat Qutiboyev, Shavkat Salomov, Akobir To‘rayev, Shahboz Erkinov, Ergash Ismoilov.
Zaxira: Asilbek Amonov, Shohjaxon Nasimov, Bobir Amonov, Toxir Shamsitdinov, Xurshid Olimov, Baxriddin Vahobov, Sardor Sulaymonov, Rahmatullo Berdimurodov.
"So‘g‘diyona" matbuot xizmati
