Франция лигаси тартиб-интизом қўмитаси 20-турда "Нант" - "ПСЖ" учрашуви (0:1) бош ҳаками Тони Шапронни жазолади.
45 ёшли ҳакам уч ойга ва футболчини тепгани учун яна уч ойга шартли равишда дисквалификация қилинди.
90-дақиқада парижликларнинг ҳужуми вақтида бразилиялик футболчи Диего Карлос ҳакам билан тўқнашиб кетди. Ҳакам майдонга қулади, шундан сўнг Шапрон футболчини тепган ва уни майдондан четлатган эди.
Бу воқеадан бироз вақт ўтиб ҳакам омма олдида футболчидан кечирим сўраган эди.
Шапрон бу воқеадан бир неча ҳафта олдинроқ фаолиятини тугатмоқчи канини айтган эди.
