Ўзбекистон Футбол Ассоцациясининг Техник ривожлантириш бошқармаси томонидан 2018 йилда ўтказиладиган болалар, ўсмирлар, ёшлар ва оммавий футбол мусобақасини ўтказиш рўйхатига мувофиқ ФМИ, БЎСМ ва ОЗК тарбияланувчилари ўртасида мини-футбол мусобақасининг Қорақалпоғистон Республикаси ҳудудий финал босқичи бўлиб ўтди.

Бу мусобақа 29-30 январь кунлари Хўжайли тумани 1-сон болалар-ўсмирлар спорт мактабининг мини-футбол спорт залида кўтариңки руҳда ташкиллаштирилди.

Барча ёш тоифалари бўйича ғолиб жамоалар қуйидагича аниқланди:

11-ёш бўйича: Чимбой тумани;
12-ёш бўйича: Нукус тумани;
13-ёш бўйича: Хўжайли тумани;
14-ёш бўйича: Тахтакўпир тумани;
15-ёш бўйича: Тахиатош тумани;
16-ёш бўйича: Шуманай тумани;
17-ёш бўйича: Нукус олимпия захиралари коллежи жамоалари фахрли 1-ўринни эгалладилар.

Мусобақани ўтказишдан мақсад, болалар ва ўсмирлар ўртасида мини-футболни ривожлантириш ва оммалаштириш, ўйинчиларнинг маҳоратини ошириш ва келгусида иқтидорли ўйинчиларни саралаб олиб, уларни терма жамоага жалб этишдан иборат.


Абдумажид Қодиров,
Хўжайли тумани 1-сон болалар-ўсмирлар спорт мактабининг тренер-ўқитувчиси