Айни кунларда Форс қўлтиғи Про-лигасининг (Эрон премьер-лигаси) 22-тур учрашувлари давом этмоқда. “Насаф”нинг гуруҳ босқичидаги рақиби Теҳроннинг “Персеполис” жамоаси ўз майдонида “Сепахон” жамоасини қабул қилди.

Учрашув Теҳрон шаҳридаги “Озодий” стадионида бўлиб ўтди. Унда теҳронликлар 2:0 ҳисобида ғалаба қозонишди. Учрашувнинг 11-дақиқасида ҳисобни 70-рақамдаги ҳужумчи Али Алипур очди. Иккинчи бўлимнинг 60-дақиқасида 3-рақамдаги ҳимоячи Шожа Халилзода ҳисобни 2:0га ўзгартиришга эришди. Бу ҳисоб ўйин охиригача ўзгармасдан қолди.

Учрашувда “Персеполис” қуйидаги таркибда майдонга тушди: 44.Бужидор Радошевич, 4.Жалол Ҳусайни (с), 3.Шожа Халилзода, 15.Мухаммад Ансори, 17.Содиқ Махруми, 13.Ҳусайн Моҳийни, 18.Муҳсин Робикҳоҳ, 10.Фаршод Ахмадзода, 19.Воҳид Амири, 90.Годвин Минша, 70.Али Алипур.

Ҳужумчи Али Алипурнинг жорий чемпионатдаги урган голларининг сони 15тага етди. Бу ўйинчи чемпионат тўпурарлари рўйхатини бошқариб бормоқда.

Шундай қилиб, “Персеполис” жамоаси 22 учрашувдан сўнг очколари сонини 51тага етказиб олди ва турнир жадвалида якка пешқадам бўлиб турибди. Эслатиб ўтамиз, Форс қўлтиғи Про-лигасида 16та жамоа иштирок этади.