"Локомотив" Белекдаги йиғин доирасидаги сўнгги назорат беллашувини ўтказди.
"Темирйўлчилар" жамоасига бу гал Украинанинг "Олександрия" жамоаси рақиблик қилди. Қизиқарли тарзда кечган беллашувда вакилларимиз 3:1 ҳисобида ғалабага эришишди. "Локо" таркибида Санжар Шоаҳмедов дубль қайд этди. Шунингдек, Игор Йелич бир бор рақиб дарвозасини ишғол этишга муваффақ бўлди.
Энди "Локомотив" эртага Тошкентга қайтиб келади. Футболчиларга 2 кунлик қисқа таътил берилади. Сўнг 7 февралдан жамоа ўз қароргоҳида йиғилиб, ОЧЛ-2018 1-тур ўйинига уйда ҳозирликни давом эттиради.
