“Ювентус” клуби бош мураббийи Массимилиано Аллегри “Сассуоло”га қарши йирик ғалаба (7:0) дан сўнг ўз фикрларини билдириб ўтди.

“Бугунги ғалаба учун кўплаб футболчиларимизни мақташимиз керак, чунки бу ўйиндан олдин Италия Кубоги учрашувида майдонга тушганди, жамоа чарчаб қолишидан хавотирда эдим.

Бизнинг бошқа очко йўқотишимиз учун ҳаққимиз йўқ, чунки, “Наполи” мусобақада ажойиб ҳаракатланмоқда. “Ювентус” учун бугунги ғалаба рақиблардан ўтиб кетиш учун жуда ҳам керак эди. Бугун биз энг яқин таъқибчимиз “Лацио”дан 13 очко олдинга чиқиб олдик, “Наполи”дан эса ҳозирча 2 очко кўп тўплаганмиз.

Игуаиннинг хетт-рикидан хурсандман, кўплаб футболчилар энди ўзларинг пик формасига қайтишмоқда.

Матюидининг мушакларида муаммо бор, Маркизио ва Дибала ҳам яқинда сафга қайтишади”, - деди Аллегри.