“Барселона” ҳимоячиси Жерар Пике “Эспаньол”га қарши учрашувнинг 82-дақиқасида гол урди ва жамоасини мағлубиятдан қутқариб қолди.
Гап шундаки, Испания терма жамоаси ҳимоячиси голни нишонлаш вақтида россиялик футболчи Андрей Аршавиннинг – бармоқларини лабларига қўйиш услубидан фойдаланди. Пикенинг бу ҳаракати “Эспаньол” мухлисларига аталганди.
Аввалроқ Пике “Эспаньол”ни Барселона шаҳри таркибига кирмаслигини айтиб ўтганди. Бунга жавобан “Корнелья-Эль Прат” мухлислари Испания футбол федерацияси ва Ла лига раҳбарларига норозилик мурожатини йўллашганди. “Эспаньол” клуби “Барселона” футболчисининг ҳаракатларини кўра олмасликка йўйган.
