Испания кубогида финалга чиққан иккинчи жамоа аниқ бўлди. "Барселона" клуби жавоб ўйинида ҳам "Валенсия"ни мағлуб этишга муваффақ бўлди.

"Месталья" бўлиб ўтган баҳсда устунлик каталонияликлар томонида бўлди. Иккинчи бўлим бошида Луис Суарес чап қанотда бир ҳимоячини алдаб ўтиб, жарима майдончасига узатма берди. Захирадан майдонга тушган Коутиньо бир амаллаб тўпга етиб олди ва аниқ зарба билан ҳисобни очишга муваффақ бўлди. Бу Фелиппе учун "Берселона" либосидаги илк гол бўлди.

Учрашув тугашига 8 дақиқа қолганида яна ўша Суарес ҳимоячининг хатосидан сўнг тўпни эгаллаб олди ва Ракитичга узатма берди. Иван деярли бирга-бир вазиятда дарвозани ишғол қилди.

Эслатиб ўтамиз, "Камп Ноу"да бўлиб дастлабки ўйинда "Барса" 1:0 ҳисобида ғолиб чиққанди. Шу тариқа, Вальверде шогирдлари Испания Қироллик кубоги мусобақасининг финалида ўйнайдиган бўлди. "Кўк-анорранглилар"га "Севилья" рақиблик қилади.

Испания кубоги, ярим финал, жавоб ўйини
"ВАЛЕНСИЯ" - "БАРСЕЛОНА" 0:2
Голлар: 0:1 – 49 Коутиньо, 0:2 – 82 Ракитич.
Валенсия – Доменек, Габриэл, Гайя, Монтойя, Гарай (Рубен Везу, 71), Парехо, Кондогбиа, Коклен (Гонсалу Гедеш, 55), Родриго (Солер, 55), Вьетто, Дзадза.
Барселона – Силлессен, Умтити, Пике (Мина, 83), Альба, Андре Гомеш (Коутиньо, 46), Серджи Роберто, Бускетс, Ракитич, Иньеста (Паулиньо, 65), Месси, Суарес.
Огоҳлантиришлар: Родриго (34), Дзадза (75), Парехо (90).
Дастлабки ўйин: 0:1