Январь ойида "МЮ"дан "Арсенал"га трансфер қилинган Генрих Мхитарян Манчестерда ўтган кунлари ҳақида гапирди.
Эслатиб ўтамиз, 29 ёшли арман футболчиси охирги вақтларда Моуриньонинг бошланғич таркибидан ўрин ололмай келаётган эди.
"Ўзимни оқламайман. Ҳеч кимни айбламоқчи ҳам эмасман. Мен ҳаётимда, футбол фаолиятимда янги босқични бошлаяпман ва бу ерда бахтиёрман. Албатта, мен бу ерда "МЮ"да эришганимдан кўпроғига эришишни истайман.
Ҳеч кимга ҳеч нарсани исботламоқчи эмасман. Мен шунчаки, завқланмоқчиман, қўлимдан келган ишни бажармоқчиман. Кейин нима бўлганини кўрамиз", - дейди Мхитарян.
