«Арсенал» бош мураббийи Арсен Венгер «Тоттенхэм»га қарши ўйин (0:1) борасида ўз фикрларини билдириб ўтди.

«Биринчи бўлимда 3-4та қарши ҳужумлардан фойдалана олмадик. Сўнгги узатмани беришда муаммоларга дуч келдик.

«Тоттенхэм»нинг голидан кейин биз ишончли ҳаракат қила олмадик ва яна гол ўтказиб юборишимиз мумкин эди. Аммо сўнгги 10 дақиқада «Арсенал» гол уриши шарт эди.

Бугунги ўйинда барча нарсани биринчи гол ҳал қиларди. Бу голни бу ўтказиб юбордик. Кейн ўйин тақдирини ҳал қилди. Айнан шу мақсадда у майдонга тушади. Гол бўлган вазиятнинг такрорий лавҳасини кўрдим. У ерда ўйин қоидаси бузилмаганди, ҳужумчи ажойиб ҳаракат қилди. Ўтказиб юборилган гол — бизнинг айбимиз.

Энди кучли тўртликка киришимиз қийин бўлади, лекин биз курашни давом эттирамиз», – деди Венгер.