Испания Ла-лигасининг 23-тури доирасида «Реал» ўз майдонида «Реал Сосьедад»ни қабул қилиб, йирик ҳисобда ғалаба қозонди.

Мадридликлар 1-дақиқадаёқ ҳисобни очишга муваффақ бўлишди. Лукас Васкес ўз имкониятидан самарали фойдаланди. Бу эса "Қироллик клуби"нинг ишини анча осонлаштириб юборди.

Натижада танаффусга қадар мезбонлар Роналдунинг иккита, Крооснинг битта голи эвазига рақиб дарвозасига яна 3 марта йўл топишди.

Танаффусдан кейин басклар "Реал" дарвозасига 2та тўп киритишга муваффақ бўлишди. Криштиану эса ўйин тугашига 10 дақиқа қолганида ўз ҳисобига яна битта гол ёзиб, ўйинда "хет-трик"ни расмийлаштирди.

Ушбу ғалабадан кейин "Реал" ўз очколарини 52тага етказиб, жадвалда 3-ўринга кўтарилиб олди.

Испания Ла лигаси, 23-тур
Реал Мадрид – Реал Сосьедад 5:2 (4:0, 1:2)
Голлар: 1:0 – 1 Васкес, 2:0 – 27 Роналду, 3:0 – 34 Кроос, 4:0 – 37 Роналду, 4:1 – 74 Баутиста, 5:1 – 80 Роналду, 5:2 – 83 Ильярраменди.
Реал Мадрид – Навас, Карвахаль, Варан, Рамос, Марсело, Васкес (Иско, 63), Модрич (Ковачич, 63), Кроос, Асенсио (Бэйл, 73), Бензема, Роналду.
Реал Сосьедад – Рульи, Одриосола, Элустондо, Навас, де ла Белья, Каналес (Баутиста, 60), Ильярраменди, Сурутуса (Субельдия, 60), Ойарсабаль, Прието, Хуанми (Гуриди, 83).
Огоҳлантиришлар: де ла Белья (47), Карвахаль (49), Ковачич (90).