Бугун Осиёнинг энг нуфузли турнири – Чемпионлар лигаси старт олади.
Лиганинг 1-тури доирасида Тошкентнинг “Локомотив” жамоаси ўз майдонида БААнинг “Ал Ваҳда” клуби билан баҳс олиб боради. Эслатиб ўтамиз, баҳс 16:00да пойтахтимизнинг ТТЗ даҳасидаги “Локомотив” стадионида бошланади.
Учрашувни япониялик ҳакамлар бригадаси бошқариб боради. Бош ҳакам – Тожо Минору. Унга қанотларда Очи Шинжи ва Такаги Такумилар ёрдам беради. Туркманистонлик Чоримурод Қурбонов эса тўртинчи ҳакам бўлиб ишлайди. Эрондан Энаят Масуд ҳакамлар назоратчиси этиб тайинланган. Учрашув комиссари сифатида гонг конглик Чан Ка Чунг қайд этилган.
