Голландия терма жамоасининг собиқ футболчиси Руд Гуллит "Челси" устози Антонио Контега бошқа жамоа излашни маслаҳат берди.
"Миш-мишлар кўп, уларни жамода ҳеч ким инкор қилгани йўқ. Бу нимадандир дарак. Агар Контенинг ўрнида бўлганимда атрофга боқиб, ўзимга бошқа жамоа излаган бўлар эдим.
Албатта, футболчилар: "биз унга ишонамиз" деявиришлари мумкин. Аммо бу ҳеч қандай кафолат бермайди. Майдонга кам тушадиган футболчилар, Контенинг кетишини ва янги мураббий келишини кутмоқдалар, шунда уларда майдонга тушиш имконияти бўлади. Бу - мураббий учун бўлиши керак бўлган воқеаларнинг энг ёмони", - дейди Гуллит.
