“Ювентус” клуби ярим ҳимоячиси Федерико Бернардески “Тоттенхэм”га қарши ўйин (2:2) да жамоаси ғалаба қозонишга мажбур бўлгани лекин вазифа уддаланмагани ҳақида айтиб ўтди.

“Бундай юқори даражали ўйинларда албатта, босим кучли бўлади. Бугун бизга кучли рақиб қаршилик кўрсатди. Аммо негадир ўйинни тушкун кайфиятда ўтказдик.

2:0 ҳисобида олдинда бораётган бўлсакда мақсадимизга етиша олмадик, балки ўша темпни ушлаб қолиш натижа келтирарди. 2:2 ҳисобидан хафаман, чунки биз ғалабага кўпроқ лойиқ эдик.

Лекин жавоб учрашувига биз фақат сафарда ғалаба қозона олиш учунгина борамиз”, – деди Бернардески.