"Милан" бош мураббийи Женнаро Гаттузо Европа лигасининг 1/16 финалида "Лудогорец"га қарши учрашув олдидан рақиб кучига баҳо берди.
Учрашув бугун, 15 фефраль куни бўлиб ўтади.
"Лудогорец" ҳурматга эга клуб ҳисобланади, чунки у еврокубокларнинг охирги 6 мавсумида мунтазам иштирок этиб келяпти, бу "Милан"дан кўп. Биз рақибни менсимасликка йўл қўймаймиз, чунки улар бизга муаммо туғдириши мумкин. Ўтган мавсумларда бу ерда, Болгарияда "Реал", "Ливерпуль" ва "Лацио" муаммоларга учраган. "Лудогорец" вазиятларда жуда унумли фойдаланади, шу сабабли исталган рақибларга муаммо ярата олади.
Тушкун ўйлардан йироқман. Агар мағлуб бўлсак, депрессияга тушмаймиз. Футтболда ҳамма нарса бўлиши мумкин. Буни бошдан ўтказганмиз умид қиламанки бу сафар ундай бўлмайди. "Лудогорец" - ҳалқаро майдонларда "Милан"дан кўра тажрибалироқ. Тажрибани супермаркетдан сотиб олиб бўлмайди. Аммо биз ўзимизга бўлган ишончни йўқотмаслигимиз керак", - дейди Гаттузо.
