"ПСЖ" яримҳимоячиси Адриен Рабио ЕЧЛ нимчорак финалининг биринчи учрашувида "Реал"дан учралган мағлубиятга (1:3) изоҳ берди.
"ПСЖ" ҳар доимгидай голга тортадиган вазиятлар яратмоқда, аммо улардан "Реал"га ўхшаган жамоаларга қарши ўйинларда фойдалана олмаяпти, рақиб эса 2-3 вазиятни голга айлантирмоқда. Афсусдаман, чунки биз ўзимиз хоҳлаган ўйинни ўтказган эдик. Яхши бошладик, аммо охирида иккита гол ўтказиб юбордик. Ўтмишдаги хатоларимизни такрорлаяпмиз. Жуда хафаман.
Жавоб учрашувида аҳволни қандай ўнглаш мумкин? Муаммо шундаки, "Дижон" дарвозасига 8та ёки лигадаги бошқа амоаларга 4-5 та ура оламиз. Бундай ўйинларда эса яратилган вазиятларда маъсулиятлироқ бўлишимиз керак. Бундай бўлмадик. Жавоб ўйинида курашишимиз керак. Аммо жуда қийин бўлади", - дейди Рабио.
