"Барселона" раҳбарияти жамоа ҳимоячиси Самуль Умтитининг шартномасини узайтириш борасида музокара олиб борди.
Умтити дастлаб шартномасини узайтиришга қарши эмас эди, бу ҳақида унинг агенти клубга билдирган. Футболчининг амалдаги шартномаси 2021 йилнинг ёзигача тузилган. Томонлар уни беш йилга узайтиришни муҳокама қилмоқдалар.
"Барселона" ўз футболчиси билан келгуси мавсумда музокара ўтказмоқчи эди. Аммо Умтитига Европанинг бир неча гранди қизиқмоқда. Масалан, январь ойида "Манчестер Юнайтед"дан таклиф тушди. Манчестерликлар унга йиллик 6 миллион евро маош таклиф қилдилар, Умтити ҳозир бундан анча кам маош олмоқда.
"Барселона" футболчининг маошини оширишга тайёр, аммо Умтити "МЮ" таклиф қилган маош сабабли каталонияликлар таклиф қилган маошга кўнмаяпти.
