“Локомотив” клуби ярим ҳимоячиси Мануэл Фернандеш Европа Лигасининг ҳафтадаги энг яхши футболчиси сифатида эътироф этилди.

32 ёшли футболчи УЕФА расмий сайтида ўтказилган сўровномада 73 фоиз овоз тўплаган. Фернандешга “Боруссия” ҳужумчиси Миши Батшуайи (11%) ва “Арсенал” ярим ҳимоячиси Месут Ўзиллар (10%) рақобат кўрсатишди.

Эслатиб ўтамиз,  “Локомотив” сафарда “Ницца”ни Фернандешнинг хет-трики эвазига мағлуб этганди.

Маълумот учун, Фернандеш ўзбекистонлик ҳимоячи Виталий Денисовнинг “Локомотив”даги жамоадоши ҳисобланади.