Мавсум арафасида “Металлург” футбол клуби раҳбарияти жамоа таркибини кучайтиришга алоҳида эътибор қаратмоқда.
Хабарингиз бор, шу кунга қадар “Пахтакор” жамоаси ўйинчилари – Саиджамол Давлатжонов, Забихилло Ўринбоев, Суҳроб Нуруллоев ҳамда Акбар Исматуллаевлар 2018 йилги мавсумни “Металлург”да бошлашга розилик беришганди. Энди улар сафини яна бир иқтидорли ярим ҳимоячи Жавоҳир Соҳибов тўлдирадиган бўлди. Бугун Қибрайдаги ўқув-машғулот масканида Жавоҳир Соҳибов “Металлург” жамоаси билан расман шартномага имзо чекди.
Ўз навбатида “Металлург”нинг мураббийлар штабида “Нефтчи”, “Пахтакор” ҳамда “Қўқон 1912” жамоаларидаги фаолияти орқали яхши таниш бўлган Мурод Исмоилов пайдо бўлди. Мурод Музаффарович билан ҳам “Металлург” футбол клуби ўртасида шартнома тузилган.
