«ПРО-лига» баҳсларига жиддий тайёргарлик кўраётгган «Истиқлол» ўз таркибига маҳаллий ва тажрибали футболчиларни жалб этишда давом этмоқда.

Ҳозирда жамоага келиб қўшилганлар Мансур Саидов, Шерзод Ҳакимов, Муйдин Мамазулумов ва Обит Жўрабоевлар ҳисобланишади. Сал аввалроқ эса Ризо Айвазов хам жамоа машғулотларига келиб қўшилганди.

«Истиқлол»да яна трансферлар кутилмоқда. Яъни жамоага Акмал Ҳолматов, Алишер Саматов ҳамда Бахтиёр Ёқубов каби тажрибали футбочлилар келиб қўшилиши кутилмоқда. Ўтган мавсум «Нефтчи» ёшлари таркибида фаол ўйини билан ажралиб турган Ислом Тошпўлатов ҳам «Истиқлол»га келиши мумкин.

Кўриниб турибдики «Истиқлол» клуби трансферлар бобида анча фаол, айтишимиз мумкинки фарғоналиклар рақобатбардош жамоа атмосферасини яратмоқда. Кейинги мавсум «Суперлига» бахсларида «Истиқлол»ни хам кўрсак ажаб эмас.

Беҳруз Холиков, “Истиқлол” Матбуот котиби.