«PRO-liga» bahslariga jiddiy tayyorgarlik ko‘rayotggan «Istiqlol» o‘z tarkibiga mahalliy va tajribali futbolchilarni jalb etishda davom etmoqda.
Hozirda jamoaga kelib qo‘shilganlar Mansur Saidov, Sherzod Hakimov, Muydin Mamazulumov va Obit Jo‘raboyevlar hisoblanishadi. Sal avvalroq esa Rizo Ayvazov xam jamoa mashg‘ulotlariga kelib qo‘shilgandi.
«Istiqlol»da yana transferlar kutilmoqda. Ya’ni jamoaga Akmal Holmatov, Alisher Samatov hamda Baxtiyor Yoqubov kabi tajribali futbochlilar kelib qo‘shilishi kutilmoqda. O‘tgan mavsum «Neftchi» yoshlari tarkibida faol o‘yini bilan ajralib turgan Islom Toshpo‘latov ham «Istiqlol»ga kelishi mumkin.
Ko‘rinib turibdiki «Istiqlol» klubi transferlar bobida ancha faol, aytishimiz mumkinki farg‘onaliklar raqobatbardosh jamoa atmosferasini yaratmoqda. Keyingi mavsum «Superliga» baxslarida «Istiqlol»ni xam ko‘rsak ajab emas.
Behruz Xolikov, “Istiqlol” Matbuot kotibi.
