Бирлашган Араб Амирлигининг Дубай шаҳридан, тўғри Қарши шаҳрига парвоз қилган ҳаво лайнери соат 21:00да Қарши аэропортига келиб қўнди. 50 кишидан иборат “Ал Васл” клуби вакиллари Қарши шаҳрига етиб келишди.
“Ал Васл” клуби делегациясини клубимиз расмийлари, карнай-сурнай садолари остида, тантанали кутиб олишди. Меҳмонлар шаҳримиздаги “Sulton” меҳмонхонасида истиқомат қилишади.
Эслатиб ўтамиз, эртага ўйинолди расмий тадбирлар бўлиб ўтади. Жумладан, жамоалар “Марказий”да расмий машғулотлар ҳам ўтказишади.
Қуйида меҳмонларни кутиб олиш жараёнидан олинган суратларни томоша қилинг.
