“Челси” клуби ярим ҳимоячиси Сеск Фабрегас “Барселона”га қарши учрашув олдидан собиқ жамоадоши Андрес Иньеста ҳақида ўз фикрларини билдириб ўтди.

“Иньеста ҳозир ҳам яхши спорт формасида. Бундай футболчилар учун ёшнинг қизиғи йўқ. Агар сенда ҳам иқтидор ва маҳорат бўлса, бемалол 40 ёшгача футбол ўйнашининг мумкин бўлади.

Иньеста билан бирга ўйнашни Испания ёшлар терма жамоасидан бошлаганман, шунинг учун у менинг кумирим бўла олмайди. Балки Иньеста мен учун собиқ жамоадош ва Испания термасидаги ҳақиқий шерик ҳисобланади.

Футболда кўпроқ Гвардиоладан ўрнак олганман, чунки Пеп айнан менинг позициямда ҳаракатланарди. Шунингдек, Луиш Фигу ўйинларини ҳам томоша қилиб борардим. Сизга бир сирни очаман Гвардиола ва Фигу ўйинларини ёшлик вақтимда диққат билан кузатардим”, – деди Фабрегас.